Нийслэлийн мэргэжлийн хяналтын газрын шуурхай жижүүрийн утсанд Хан-Уул дүүргийн нутаг Нүхтийн аманд нохойнд бариулсан бор гөрөөс байгаа тухай мэдээллийн дагуу очиж ажиллажээ. Очиход богд уулнаас зэрлэг нохойд хөөгдөж орж ирсэн зүр буюу эм бор гөрөөс хүзүүгээ гэмтээсэн урд болон хойд хөлний арьс нь хууларсан байдалтай байсан аж. Шархадсан гөрөөсөнд "Гүн тэрм" мал эмнэлгээс шарханд нь эм цацаж өвчин намдаах тариа тарьж байгаль хамгаалагчид хүлээлгэн өгчээ.