Нийслэлийн Онцгой байдлын газраас усчин аврагчдыг бэлтгэх, дадлагажуулах, алба хаагчдын бие бялдар, сэтгэлзүйн хөгжлийг дэмжих, уснаас эрэн хайх, аврах ажиллагааны мэдлэгийг дээшлүүлэх зорилгоор Улаанбаатар хотын усан спорт, сургалтын төвд усчин аврагчдын сургалтыг зохион байгуулж байгаа аж.
Сургалтад нийслэлийн Онцгой байдлын газрын харьяа аврах анги 105, гал түймэр унтраах аврах ангийн 30 гаруй  алба хаагч хамрагдаж байгаа юм. Усчин аврагчдыг бэлтгэх анхан шатны сургалт 5 дугаар сарын 10 хүртэл үргэлжлэх бөгөөд дунд шатны сургалтыг ирэх наймдугаар сард, ахисан шатны сургалтыг 11 дүгээр саруудад зохион байгуулахаар болсон байна.