Нийслэлийн хэмжээнд цацрагтай харьцан ажиллаж буй ажиллагчдын мэргэжлээсээ шалтгаалан авч буй шарлагын тунд урьдчилан сэргийлэх хяналтыг өнгөрсөн сарын 25-наас 30-ны өдрүүдэд хийж гүйцэтгэжээ.
Хяналтаар цацрагийн үүсгүүр ашиглан үйл ажиллагаа явуулж буй 154 байгууллагын 728 цацрагтай ажиллагчдын хувийн тунгийн хэмжилтийн дүнг үнэлж, зөвшөөрөгдөх норм хязгаартай харьцуулан баталгаажуулж, сарын дундаж зөвшөөрөгдөх хэмжээнээс хэтэрсэн 3 тохиолдлыг илрүүлэн,  шалтгаан нөхцөлийг тодруулахаар холбогдох арга хэмжээг авч ажиллаж байгаа аж.
Цацрагтай холбоотой үйл ажиллагаа эрхлэгч аж ахуй нэгж байгууллагууд цацрагтай ажиллагчийг мэргэжлийн шарлагын хувийн тунгийн хяналтад тогтмол хамруулж, цацрагийн аюулгүй ажиллагааг хангаж ажиллахыг зөвлөж байна.