Тус дүүргийн Засаг даргын Тамгын газар “Зуун мянган цэцгийн мандал” аяныг өрнүүлээд байгаа билээ. Аяны хүрээнд эхний ээжлжид хороо тус бүр 5 мянган цэцгийг үрсэлгээг суулгаж, цэцгүүд нь эхнээсээ ургаж эхэлжээ. Өнөөдөр дүүргийн Засаг дарга С.Одонтуяа 1, 10 дугаар хорооны цэцэгжүүлэх ажлын явцтай танилцаж, заавар зөвлөгөө өгч ажилласан байна. “Анх хороогоо цэцэгжүүлэх үүрэг аваад санаанд нэг л буухгүй байсан. Интернэтээс судлаад, цэцэг тарьдаг хүмүүсээс зөвлөгөө авч, цэцэгийн дэлгүүрүүдээр явж судалгаа хийж эхэлсэн. Үүний үр дүн гарч цэцгүүд маань ургаж эхэлж байна. Анх бид бид шинэ төрсөн хүүхдээ хүлээн авч байгаа юм шиг л баярласан. Одоо манай хамт болон энэ ажилдаа маш дуртай болсон. Цэцэг өөрөө маш гоё энергитэй, хайрлаж, арчлахгүй байхын аргагүй болгодог юм байна. Эдгээр цэцгийг худалдаж авсан болсон 3 сая төгрөг болно. Харин бид 300 мянган төгрөгөөр энэ олон төрлийн цэцгээ үрслүүллээ” хэмээн тус дүүргийн 10 дугаар хорооны Засаг дарга Г.Мөнхтүвшин хэллээ. Тэд одоо Астра, Хилэн зэрэг таван төрлийн 5 мянга гаруй цэцгийг тарьж байгаа бөгөөд цаашид цэцгийн төрлөө олшруулж хороогоо бүрэн цэцэгжүүлэх төлөвлөгөөтэй байгаа юм байна.
Баянголд дүүргийн 23 хорооны ажлын алба өнөөдрийн байдлаар нийт 92 мянга орчим цэцгийн үрсэлгээг суулгаад байгаа юм байна.