Өнөөдөр Францын сувилагчдын эрхийг хамгаалах ҮЭ-ийн төлөөлөгч Мари Одил Дутэш, Эрүүл мэндийн ҮЭ-ийн төлөөлөгч, хүүхдийн эмч Изабэл Шашар, ҮЭ-ийн ахмад ажилтан, хөгжлийн бэрхшээлтэй хүүхдүүдийн хүмүүжүүлэгч Катрин Бүшер нарыг Монголын Эрүүл мэндийн ажилтны ҮЭ-ийн холбооныхон хүлээн авч уулзаж, хамтран ажиллах санал тавьжээ. Энэ үеэр хоёр орны ҮЭ-ийн онцлогийн талаар санал солилцож, хамтран ажиллах үндэс тавих анхны айлчлал хийх саналыг тавьж, мэдээлэл солилцож, ажиллахаар болсон байна.