“Дархан Дулааны цахилгаан станц” ТӨХК энэ онд их засварын ажилд 683.12 сая төгрөг зарцуулахаар төлөвлөжээ. Одоогоор засварын ажил нь эхэлсэн бөгөөд 255.2 сая төгрөгийн 21 нэр төрлийн бараа материал, ажил үйлчилгээ худалдан авах бизнес төлөвлөгөө батлуулсан аж. Харин хэрэглээний ус, дулааны үнийг 7-8 сард нэмэхээр болсон байна. Учир нь сүүлийн жилүүдэд тус компани 210-243 сая төгрөгийн алдагдалтай ажиллаж буй аж. Тэгвэл энэ онд уг алдагдал 900 гаруй сая төгрөгийн алдагдалтай ажиллах тооцоо гарчээ.
Иймд алдагдалаа нөхөхийн тулд цахилгаан, дулааны үнэ тарифаа нэмэх шаардлага тулгарсан хэмээн тус компанийн удирдлагууд мэдэгдэж байгаа юм. Гэвч одоогоор хэдэн төгрөгөөр нэмэгдэх нь тодорхойгүй судалгааны түвшинд яваа гэнэ.  Тус компанийн цахилгааны үнэ Улаанбаатар хот, Орхон аймагтай харьцуулахад  6-22 хувиар бага байгаа аж. Харин айл өрхийн 1 ам метр талбайн дулааны  үнэ адил байна. Өнөөдрийн байдлаар айл өрхөөс авах авлага 800-аад сая төгрөгт хүрчээ.