Үндэсний соёл амралтын хүрээлэнд тоглоом эвдэрсний улмаас хүүхдүүд бэртсэн асуудал гарсан. Үүнтэй холбоотойгоор НИТХ дахь АН-ын бүлгээс тоглоомын төв, үйлчилгээний байгууллагуудад наадмаас өмнө хяналт шалгалт хийж, арга хэмжээ авахыг шаардсан байна.

Сургууль цэцэрлэг амарсан зуны улиралд хүүхдүүд олон нийтийн үйлчилгээний байгууллагаар үйлчлүүлэх нь ихэсдэг. Иймээс байгууллагуудын аюулгүй ажиллагаа, галын аюулгүй байдалд төлөвлөгөөт бус хяналт хийхгүй бол эрсдэл үүсэхээр байгаа гэж үзжээ.

Уг албан бичигт:

“Мэргэжлийн хяналтын байгууллага гэмтэл осол гарсны дараа хяналт шалгалт хийхээс илүү урьдчилан сэргийлэх хяналтыг эрчимжүүлэх шаардлагатай байна. Нийслэлийн хүн амын гуравны нэг хувийг эзэлж буй хүүхэд багачуудын аюулгүй байдлыг нь хангаж ажиллахын тулд тэдний үйлчлүүлдэг байгууллагуудад стандартыг хангуулах нь энэ тэргүүний ажил юм” гэжээ.