Засгийн газраас ахмад настнуудад Цагаан сарын баярын өмнө, Үндэсний их баяр наадмын өмнө буюу жилд хоёр удаа насны хишиг олгохоор болсон билээ. Тэгвэл энэ онд Үндэсний их баяр наадмын өмнө насны хишиг авах нийт 125 мянган ахмад байгаа юм байна.

Насны хишиг олгохоор бүртгэл хийж дууссан бөгөөд Үндэсний их баяр наадмын өмнө насны хишгийг олгож дуусах юм байна. Өмнө нь бүртгүүлсэн бол дансанд нь шууд ордог бол шинээр бүртгүүлэх ахмад настнууд харьяа дүүргийн Нийгмийн халамжийн хэлтэст хандан, гэрээ байгуулсан арилжааны банкаар дамжуулан насны хишгээ авах юм байна.

Насны хишгийг дараах байдлаар олгож буй.

65-69 настай 43089 ахмад настан 50 мянга

70-79 настай 57624 ахмад настан 80 мянга

80-89 настай 18700 ахмад настан 150 мянга

90 ба түүнээс дээш настай 2492 ахмад настан 250 мянган төгрөгийн хишиг хүртэх юм.