Улаанбаатараас Сайншандын чиглэлд зорчиж явсан галт тэрэг өнөө өглөө замаас гаран онхолджээ. Энэ галт тэргэнд 368 зорчигч байсан аж. Тодруулбал, суудлын 286-р галт тэрэг 04:50 минутын орчимд  Дорноговь аймгийн Цомог-Айраг өртөөний хоорондын замын 747-р км-ын 9-р зуутад  осолдож, дөрвөн вагон замаасаа гарсан байна. Азаар хүний амь эрсдээгүй ч маш олон хүн гэмтэж бэртжээ. Ослын газар онцгой, цагдаа, төмөр замын албан хаагчид мөн эмч нар ажиллаж байгаа юм. Бэртсэн иргэдийг вагоны цонхоор зөөж гарган яаралтай эмнэлгийн тусламж үзүүлсэн байна.

Урьдчилсан байдлаар хүчтэй их бороо орсны улмаас төмөр замын шопал моднууд урсаж, вагон замаасаа гарсан гэж байгаа юм. Ослын шалтгааныг тодруулахаар холбогдох албаны хүмүүс ажиллаж байна.
Уг галт тэрэг осолдохоос 20 минутын өмнө Замын Үүд-Улаанбаатарын чиглэлийн олон улсын 33-р галт тэрэг хэвийн явж өнгөрчээ.
Дээрх ослын улмаас төмөр зам эвдэрсэн тул галт тэрэгний хөдөлгөөнийг бүрэн хаалаа. Сайншандад галт тэрэг осолдсонтой холбогдуулан Засгийн газар шуурхай хурал зарлан, хуралдав.

Хуралдаанд холбогдох албаны хүмүүс "Төмөр замыг засах сэлбэгийг Оросоос авч байгаа. Мөн ослын газарт холбогдох албаны хүмүүс ажиллаж байгаа" гэх мэдээлэл өгчээ.
Мөн энэ удаагийн ээлжит бус хуралдаанд хариуцлагын асуудлыг хөндөх гэнэ. Тэгэхдээ ЗТХЯ-нд хүн амины хэрэг гарсан гэх мэдээллийг Ерөнхий сайд холбогдох газруудын дүгнэлтийг гарсны дараа хөндөнө гэжээ.