МХЕГ-ын даргын баталсан 01/04 дугаартай урдирамжийн хүрээнд Хан-Уул дүүрэг дэх мэргэжлийн хяналтын хэлтсээс тус дүүргийн нутаг дэсгэрт үйл ажиллагаа явуулдаг Үлэмж гросерс ХХК-ийн GOOD PRICE cупермаркет, “Номин тав трейд”ХХК-ийн “Номин супермаркет Наадам центр” салбар мөн “Хан-Уул Бөөний худалдааны төв” салбарт тус тус төлөвлөгөөт урьдчилан сэргийлэх хяналт шалгалтыг хийжээ. Шалгалтаар /самгёбсал/ гахайн зүссэн мах, гахай, тахианы амталсан мах, гахайн утсан мах, хиам, өндөг, тараг зэрэг хүнсний бүтээгдэхүүнүүдийн хэрэглэж дуусах хугацаа хэтэрсэн зэрэг зөрчлийг илрүүлжээ. Мөн хөгцөрч муудсан төмс, хүнсний ногооноос дээж авч лабораторийн шинжилгээнд хамруулахаар шилжүүлж ажилласан байна.