Билгийн

Доллар (USD)

Улаанбаатар

МАН: Иргэдэд 3 хувийн хүүтэй, 20 сая хүртэлх төгрөгийн Итгэлийн зээл олгоно

МАН-ын бүлэг сэтгүүлчдэд мэдээлэл өглөө. Энэ үеэр “Монгол Улсын 869.8 мянган өрхийн 22 хувь нь ядуу амьдарч байна гэсэн судалгаа гарсан. Энэ нь иргэдийн хөдөлмөр эрхлэлтийг дэмжих, тогтмол орлоготой байлгах зайлшгүй шаардлага байна гэж үзсэн.Барьцаа хөрөнгөгүйгээс иргэд банкны зээлд хамрагдаж чадахгүй байна. Энэ төсөлд барьцаа шаардахгүй, бага хүүтэй зээл олгох боломж бүрдэнэ. Нийгмийн итгэлцлийг бий болгосноор иргэд амьжиргаагаа өөд нь татах боломж бүрдэнэ.

Банкнаас зээлдэгчдийн судалгаагаар иргэдийн 90 хувь нь 20 сая төгрөг хүртэл зээл авдаг. Тиймээс Итгэлийн зээлийн дээд хэмжээ 20 сая төгрөг байна. Хууль батлагдсанаар:

Өрхийн аж ахуй, бичил бизнес эрхлэгчдийг дэмжих
Өрхийн дундаж орлого нэмэгдэх
Санхүүгийн боловсрол, сахилга бат нэмэгдэх ач холбогдолтой. Ямар нэг хугацаа хэтэрсэн зээлтэй, батлан даалт гаргаж өгсөн хүн зээлд хамрагдаж чадахгүй. 
Сүүлийн нэг жилд бизнес эрхэлж байсан. Өрхийн тогтвортой орлоготой иргэн зээл авах хүнд батлан даалт гаргаж өгнө. 
18 нас хүрсэн Монгол Улсын иргэн зээл авч болно. Зээлээ хугацаандаа эргэн төлсөн тохиолдолд дараагийн зээл авах боломж олгоно. Зээлийг төр хариуцаад Төрийн банкаар дамжуулан жилийн 3 хувийн хүүтэй олгохоор төсөлд тусгасан гэж УИХ-ын гишүүн Д.Оюунхорол тайлбарлав. Ажлын хэсгийнхэн эхний жилд 200-300 тэрбум төгрөгийг Итгэлийн зээл олгоход зарцуулах тооцоолол хийсэн” гэв.

Дашрамд сонирхуулахад, МАН-ын бүлэг Итгэлийн зээл олгох хуулийн төслөө Засгийн газарт өргөн мэдүүлжээ.

4 Сэтгэгдэл
comment
Зээлээр амьдрал дээрдэхгүй. Ажлын байр л хэрэгтэй. Асуудлыг зөв өнцгөөс хардаг төрийн түшээд хэрэгтэй бна даа
zeel ugnu gehiin orond ajiliin bair . tsalintai ajild oruulna geechee. 20.0 sayaar yu hiihveedeed. urnii nemer. tolgoi ni hurehgui iim ch yum sanaachlaad suuj baih gejdee ta nar.
Иргэдээ бүгдийг нь өртөн болгох нь ээ дээ. Надад зээл хэрэггүй. Надад амьжиргаагаа бүрэн аваад явцахуйц цалинтай ажлын байр хэрэгтэй байна. Долларын ханш, түлш шатахууны үнийг зохиомлоор өсгөдөггүй төр засаг хэрэгтэй байна.
Хамгийн их уншсан