Монгол Улсын Ерөнхий сайд У.Хүрэлсүх олон ястны өлгий нутаг Ховд аймагт ажиллаж байна. Өнгөрсөн жил Ерөнхий сайд Ховд аймагт ажиллахдаа аймгийн тулгамдсан асуудлуудын нэг болох хүүхдүүдийн эмнэлгийн шинэ барилгын асуудлыг шийдсэн. Төсөв нь батлагдаж, зураг, тендер шалгаруулалт нь жин тан болоод ийнхүү өнөөдөр аймгийн төв болох Жаргалант суманд барилгын ажил нь эхэлж байна. Ерөнхий сайд орон нутагт хийж буй томилолтынхоо завсраар буюу энэ ням гарагт Улаанбаатар хотноо ирж Засгийн газрын хурлаа хийсэн билээ.