УИХ-ын гишүүн Л.Болд, Ж.Батзандан, С.Жавхлан нарын үүсгэн байгуулж буй "Шударга Иргэдийн Нэгдсэн Эвсэл"-ийн парламент дахь Зөвлөл байгуулагдаж, анхны хуралдаанаа өнөөдөр хийлээ.

Хуралдаанаар "Шударга Иргэдийн Нэгдсэн Эвсэл"-ийн парламент дахь Зөвлөлийн журмыг боловсруулж баталснаас гадна Ерөнхийлөгчийн тавьсан хоригийг дэмжих тухай болон махны үнэ, хүүхдийн сүрьеэгийн өвчлөлийн асуудлаар салбарын сайд нарт нь асуулга тавих зэрэг асуудлаар байр сууриа нэгтгэлээ.

Зөвлөлөөс долоо хоног бүрийн даваа гаригт 11:00 цагаас УИХ-аар хэлэлцэх хууль, тогтоол, нийгэмд тулгамдсан асуудлуудыг хэлэлцэж, олон нийтэд байр сууриа илэрхийлэх аж.