"Эрдэнэт” үйлдвэрийн 49 хувийг ОХУ-ын талаас худалдан авах үйл ажиллагаа нь хууль зөрчсөн үндэслэлээр Худалдаа хөгжлийн банкны Төлөөлөн удирдах зөвлөлийн дарга Д.Эрдэнэбилэгийг энэ сарын 28-нд 30 хоногийн хугацаатай баривчлах шийдвэрийг Сүхбаатар дүүргийн Эрүүгийн хэргийн анхан шатны шүүхийн ерөнхий шүүгч Ж.Болдбаатар гаргасан. Гэвч түүний өмгөөлөгч биеийн байдал нь муудсан гэх мэдээллийг өгсөн гэнэ. Тодруулбал, элэгний архаг хатууралтайгаас гадна цагаан бөөмний дутагдалтай учир дотуур цус алдах эрсдэлтэй байгаа аж.