ТЕГ-ын дарга асан, генерал Б.Хурц, Улсын Ерөнхий прокурорын орлогч асан Г.Эрдэнэбат нарын 9 хүнд холбогдох шүүх хурал өнөөдөр Төв аймгийн шүүхэд өдөржин болсон ч ирэх наймдугаар сарын 12-ны өдрийг хүртэл хойшлуулжээ.
Учир нь шүүгдэгчдийн талаас шүүх бүрэлдэхүүнээс татгалзсан тул шүүх хурлыг ийнхүү хойшлуулсан байна.
Энэ удаагийн хуралд шүүгчээр Ц.Отгонжаргал, Ю.Энхмаа, Т.Батжаргал нар оролцсон ч ийнхүү шүүгдэгчид шүүх бүрэлдэхүүнээс татгалзсан байна. Тэдний хүсэлтийг хүлээж авахыг эсэхийг тус шүүхийн шүүгчдийн зөвлөгөөн шийдэх аж.
Өнөөдрийн хуралд хохирогчоор Б.Булган, Т.Чимгээ, Б.Содномдаржаа, гэрчээр ялтан Ц.Амгаланбаатар, шүүгдэгчээр Б.Хурц, Г.Эрдэнэбат, О.Бархасбадь, Ж.Мөнхгал, С.Баяр, С.Эрдэнэбат, Ү.Отгонбаяр, О.Бямбажав, Э.Өлзийбаяр нар оролцов.
