НИТХ-ын дарга асан Ц.Сандуй, А.Ганбаатар нарт холбогдох алдарт 60 тэрбумын хэргийн шүүх хурал маргааш Баянгол дүүргийн эрүүгийн хэргийн анхан шатны шүүхэд 09:30 минутад болохоор тов гарчээ.

Эл хэргийг гурван жил гаруйн хугацаанд шалгасны эцэст Ц.Сандуй, А.Ганбаатар нарыг яллагдагчаар татсан байдаг. Тэдэнд холбогдох хэргийг өнгөрсөн наймдугаар сард прокурорын байгууллагаас 2002 оны Эрүүгийн хуулийн тусгай ангийн 82 дугаар зүйлийн 82.1 дэх заалт буюу "Сонгуулийг будилаантуулж төрийн эрх мэдлийг хууль бусаар авах хуйвалдаан зохион байгуулахыг завдсан” гэх үндэслэлээр яллах дүгнэлт үйлдэж шүүхэд шилжүүлсэн билээ.