Төрийн албыг наймаалцах "60 тэрбум"-ын схемийн талаар мэдэхгүй хүн үгүй. Тэгвэл өнөөдөр нийслэлийн Баянгол дүүргийн Эрүүгийн хэргийн анхан шатны шүүхэд "60 тэрбум"-ын хэргийн холбогдогч А.Ганбаатар, Ц.Сандуй нарыг шүүх хурал болох байсан ч дахин хойшиллоо. Дашрамд сануулахад, Нийслэлийн прокурорын газраас А.Ганбаатар, Ц.Сандуй нарт холбогдуулан 2002 оны Эрүүгийн хуулийн тусгай ангийн 82 дугаар зүйлийн 82.1 дэх хэсэгт зааснаар “Төрийн эрх мэдлийг хууль бусаар авах хуйвалдаан зохион байгуулах” гэмт хэрэгт яллах дүгнэлт үйлдэж, хэргийг нь шүүхэд шилжүүлсэн билээ.