Ерөнхийлөгч Х.Баттулга он солигдох мөчид Салхитын мөнгөний ордоо эдийн засгийн эргэлтэд оруулах замаар тэтгэврийн зээлийг нэг удаа тэглэх тухай шийдвэр гаргасан гэдгээ мэдэгдсэн.

Улмаар Засгийн газраас энэ сарын 06-ны өдөр УИХ-д “Иргэдийн тэтгэвэр барьцаалсан зээлийн төлбөрийг төрөөс нэг удаа төлөх тухай” хуулийн  төслийг өргөн барьсан. Хуулийн төслийн яаралтай горимоор УИХ хэлэлцэж байна.  

Тэгвэл өнөөдөр  тэтгэврийн зээлгүй 194 мянган ахмадын төлөөлөл болон ШИНЭ нам, Манан дэглэмийн эсрэг Монгол түмний нэгдэлээс тэтгэврийн зээл тэглэх асуудалтай холбогдуулан 11.40 цагт Сүхбаатарын талбайд жагсаал зохион байгуулахаар болжээ.