Драмын театрыг нураах нь гэдэг мэдээлэл амралтын өдрүүдэд эрчээ авч хүмүүсийг цочроосон. Тэгвэл энэ мэдээллийг үгүйсгэж БСШУС-ын сайд Ё.Баатарбилэг хэвлэлийхэнд тайлбар өглөө. Тэрбээр “Драмын театрын барилгыг нураахгүй. Засаж сайжруулна. Ардын хувьсгалын 100 жилийн ойтой холбогдуулж УДЭТ, ДБЭТ-ын барилгыг засахаар болсон. Нураахаар болсон гэдэг нь ташаа мэдээлэл бөгөөд барилгуудыг нураах төсөв хөрөнгө байхгүй” гэв.

Дашрамд сонирхуулахад, засвар шинэчлэлтийн ажилд тус бүрт нь 2 тэрбум тѳгрѳг хуваарилжээ.