Австрали улсад айлчлах үеэрээ УИХ-ын гишүүд казинод орсон мэдээлэл олны дургүйцлийг хүргээд байна. Энэ талаар УИХ-ын гишүүн Д.Эрдэнэбат хэвлэлийнхэнд мэдээлэл өглөө.

“Казиногоор ороод гарсан нь үнэн. Бид дөрвүүлээ орсон. Цаг гаруйн хугацаанд байсан. Бид ардчилсан нийгэмд амьдарч байгаа. Ирснийхээ дараа би ямар нэгэн тайлбар өгөөгүй. Энэ шуугианыг далимдуулаад хүмүүсийг бүү талцуулаасай гэж хүсэх байна. Миний хувьд тоглоогүй. Тоглох шалтгаан ч байхгүй. Хүмүүс миний зургийг мөн биш гэж талцсан байсан. Би мөн гэдгийг хэлье. Өмнө нь бол казинод тоглож байсан” гэлээ.