Монгол Улсын Ерөнхийлөгч Х.Баттулга өнөөдөр БНХАУ-д айчлал хийхээр болсонтой холбоотойгоор Улсын Онцгой комиссын дарга Ө.Энхтүвшин зөвшөөрөл өгч, гарын үсэг зурлаа.

Хэдийгээр айлчлал богино хугацаанд үргэлжилж өнөөдөртөө буцаж ирэх ч гэлээ Улсын онцгой комиссын шийдвэрээр Монгол Улсын Ерөнхийлөгч болон дагалдан явсан, бүрэлдэхүүнд багтсан хүмүүс  оношилгоо, шинжилгээнд хамрагдаж 14 хоног тусгаарлагдах юм байна.

Энэ талаар УОК-ын дарга Ө.Энхтүвшин “Арав гаруй хүн Ерөнхийлөгчийг дагалдан явах юм байна. Ирсний дараа халдвартай бүсээс ирсэн иргэдэд авч буй дүрэм журмын дагуу бүгдийг нь шинжилгээнд хамруулж, тусгаарлана” гэсэн юм.