Монгол Улсын Ерөнхий сайд ард иргэд, аж ахуй нэгжүүддээ хандаж мэдэгдэл хийлээ. Түүний хийсэн мэдэгдлийн гол мэдээллүүдийг тоймлон хүргэе.
-4 сарын 1-нээс эхлээд 6 сарын турш Нийгмийн даатгалын шимтгэлээс ААН, компаниудыг бүрэн чөлөөлж, тэглэх арга хэмжээ авч байна.
-4 сарын 1-нээс эхлэн 6 сарын турш иргэдийн цалин хөлснөөс орлогын албан татвар авахгүй байхаар бүрэн чөлөөллөө.
-4 сарын 1-нээс эхлэн 6 сарын хугацаанд 1.5 тэрбум төгрөгөөс доош орлоготой ААН-үүдийн үйл ажиллагаанаас орлогын албан татвар авахгүй бүрэн чөлөөлж байна.
-Коронавирусээс болоод үйл ажиллагаа нь доголдож орлого нь буурч байгаа боловч ажлын байрыг хадгалж, хувийн хэвшлийн ААН-үүдийн ажилтан бүрт сар бүр 200 мянган төгрөгийн дэмжлэг, туслалцааг 3 сарын хугацаанд олгохоор шийдвэрлэж байна.
-Малчдын амьжиргааг дэмжих зорилгоор малчдаас ноолуур худалдан авахад зориулан 3 хувийн хүүтэй, 300 тэрбум төгрөгийн хөнгөлөлттэй зээлийг үйлдвэрлэгчдэд олгоно. Зээлийн зөрүүг Засгийн газар дааж ажиллана.
-0-18 насны бүх хүүхдэд сар бүр олгодог 20 мянган төгрөг дээр нь нэмж 10 мянган төгрөг олгоно. Гурван сарын хугацаанд олгоно.
-Бензиний үнийг 4 сарын 15-наас эхлэн литр тутамд нь 300-400 төгрөгөөр хямдруулахаар арга хэмжээ авч байна.
Эдгээр арга хэмжээнд 5.1 их наяд төгрөг зарцуулах аж.