Талбайн урд байрлах ”Хонхтой цэцэрлэг”-ийн оронд усан оргилуур барих гэж буй асуудал багагүй шүүмжлэл дагуулаад байгаа. Тэгвэл энэ асуудалд “Алтан Дорнод Монгол” компанийн захирал Т.Ганболд өөрийн саналаа фэйсбүүк хуудсаараа дамжуулан хүргэсэн.
Тодруулбал, “Цар тахал эрчтэй тархаж бна шүү, ахан дүүс минь. Дэлхийд 1,3 сая хүн халдвар авлаа, 70 000 орчим үхлээ. Эдгэрч байгаа нь дөнгөж 260 000 байна. Өндөр хөгжилтэй орнууд учираа сайн олохгүй байна. Английн Ерөнхий сайд хүндрээд эмнэлэгт хүргэгдэж байх. Анхаарал болгоомжтой байхгүй бол авралгүй юм болж бна шүү. Вакцин олон газар туршигдаж бна. Гэхдээ багадаа 1 жил гэнэ. Үйлдвэрлэх хугацаа тараалт, хүртээх гэвэл 2 жилээс наашгүй ч байх.
Бид өнөөдөр талбайн өмнөх саадны тохижилтыг 3,2 тэрбумаар хийж яасан ч болохгүй. Энэ мөнгөөр яаралтай эмнэлэг барих хэрэгтэй. МЭР С.Амарсайхан та Улаанбаатар хотын иргэдийн үгийг сонсооч. Би даагаад тэр садны жорлонгийн шугам, шинэчлэл, тохижилт, цэвэрлэгээг иргэдтэй нийлээд хийгээд өгье. Оюун ухаант ухамсарт нийгмийн хүмүүс бид өөрийгөө, бусдыгаа бодож үйлдлээрээ, шийдлээрээ хамтач байх цаг. Бүгдэд нь шинэ долоо хоногийн мэнд. Би гайхамшигт итгэдэг. Боломжгүй зүйл гэж байхгүй. Итгэж найдаж хүсэж чадвал бүхний шийдэл гарна. Удахгүй ч гарна” гэсэн байсан юм.
Харин түүний саналд хотын дарга С.Амарсайхан мөн л фэйсбүүкээрээ дамжуулан хариу барилаа.
Тэрбээр “Хот тохижилтын 700 ажилтан хариуцан 3.2 тэрбум тѳгрѳгийн ѳртѳгтэйгээр хоёр сарын хугацаанд хэрэгжүүлэх Сүхбаатарын талбайн цэцэрлэгийн иж бүрэн тохижилтын ажлыг хувийн зардлаараа хийх ажил хэрэгч, бүтээлч санал тавьсан Алтан дорнод ХХК компаний захирал, их хотын иргэн Ганболд танд баярлалаа.
Нийслэлийн удирдлагууд бид таны саналыг хүлээж авч байгааг танд уламжилья.” гэжээ.