УИХ-ын гишүүн Б.Батзориг  УИХ-ын гишүүнээс чөлөөлөгдөх өргөдлөө УИХ-ын дарга Г.Занданшатарт өгсөн билээ. Тэрбээр жижиг, дунд үйлдвэрлэлийг хөгжүүлэх сангаас их хэмжээний зээл авсан хэрэгт яллагдагчаар татагдан шалгагдаж байгаа юм. Төрийн байгуулалтын байнгын хорооны хуралдаанаар УИХ-ын гишүүн Б.Батзоригийг бүрэн эрхээс нь чөлөөлөх эсэх асуудлыг хэлэлцэж, гишүүдийн олонхи УИХ-ын гишүүний бүрэн эрхээс нь чөлөөлөхийг дэмжсэн байдаг. Тэгвэл Байнгын хорооноос гаргасан санал, дүгнэлтийг өнөөдөр УИХ-ын чуулганы нэгдсэн хуралдаанаар хэлэлцэж, нууц санал хураалт явууллаа.

Санал хураалтад 47 гишүүн оролцсон бөгөөд гишүүдийн олонхи нь буюу 27 нь түүнийг чөлөөлөхийг дэмжсэн юм.