Улсын онцгой комиссын шийдвэрийн дагуу Бүгд Найрамдах Энэтхэг улсаас иргэдээ татан авах Шинэ Дели-Улаанбаатар чиглэлийн тусгай үүргийн онгоц өнөөдөр 07:40 цагт “Чингис хаан” олон улсын нисэх буудалд газардлаа. Ирсэн хүмүүсийг ажиглалтын байр руу шилжүүлжээ.

Тус онгоцоор 158  иргэн эх орондоо ирээд байгаа бөгөөд замдаа Ханой хотод сумлаж, Вьетнам улсаас нутаг буцах хүсэлтэй байсан 11 иргэнийг мөн эх оронд нь авчирчээ.