Эрүүл мэндийн яам болон Халдварт өвчин судлалын үндэсний төвөөс томуугийн эсрэг вакциныг хэн, хаана хийлгэх талаарх зөвлөгөө бэлтгэснийг хүргэж байна. Дархлаажуулалт хийгдэх хугацаа аравдугаар сарын 1-нээс 10-ны өдөр хүртэл үргэлжилнэ.

Улаанбаатар хотод:

• 2-9 насны цэцэрлэг, сургуулийн хүүхэд тухайн цэцэрлэг, сургуулийн дархлаажуулалтын түр цэгт
• 6 сартайгаас 9 насны цэцэрлэг, сургуульд хамрагдаагүй хүүхэд, 4-өөс дээш сартай жирэмсэн эмэгтэйчүүд, 65 ба түүнээс дээш насны болон архаг өвчтэй хүн харьяа эрүүл мэндийн төвийн дархлаажуулалтын кабинетад

Аймгийн төвд:

• 2-5 насны цэцэрлэгийн хүүхэд тухайн цэцэрлэгийн дархлаажуулалтын түр цэгт
• 2-5 насны цэцэрлэгт хамрагдаагүй, сургуульд хамрагдаагүй хүүхэд, 4-өөс дээш сартай жирэмсэн эмэгтэйчүүд, 65 ба түүнээс дээш насны болон архаг өвчтэй хүн харьяа эрүүл мэндийн төвийн дархлаажуулалтын кабинетад

Вакцин хийлгэхийн өмнө юу анхаарах вэ?

• Эмчийн үзлэгт орох
• Сайтар унтаж амрах
• Дулаан хувцаслах
• Сүүлийн 1 сарын хугацаанд ямар нэгэн вакцин хийлгээгүй байх

Вакцин хийлгэсний дараа юу анхаарах вэ?

• Вакцин тарьсан хэсгийг хөндөхгүй, хүрэхгүй байх
• Дулаан хувцаслах, хоёр хоног ус хүргэхгүй байх
• Боолт хийх, эм, тос түрхэх, хөхний сүү, гялгар уут, бусад зүйлээр жин тавихгүй байх

Вакцины эсрэг заалт:

• Вакцинд хэт мэдрэг хүн
• Өндөг, тахианы гаралтай бүтээгдэхүүнүүд харшилтай хүн
• Сүүлийн 6 сарын дотор таталт, саажилтын хам шинж өгч байсан хүн
• Мэдрэлийн үрэвслийн хам шинжийн үед
• Дархлал дутмагшилтай хүн
• Гормон эмчилгээ болон дархлаа дарангуйлах, дархлаа сэргээх эмчилгээ хийлгэж байгаа хүн
• Хавдарын эмчилгээний цитостатик эм хэрэглэж байгаа хүн

Эх сурвалж: ЭМЯ, ХӨСҮТ