Засгийн газрын ээлжит бус хуралдаан өнөөдөр 15.00 цагт зарлалаа. 

Хуралдааныг цаг үеийн байдалтай холбогдуулан гэнэт зарласан учир ямар асуудал хэлэлцэх талаар мэдээлэл өгөөгүй байна. Хуралдааны дараа Шадар сайд, УОК-ын дарга Я.Содбаатар мэдээлэл хийнэ гэж Засгийн газрын Хэвлэл мэдээллийн албанаас мэдээлэв.

Я.Содбаатар: Цагаан нуурын боомтоор ирсэн хоёр жолоочоос коронавирус илэрлээ

 16.30 цаг

Я.Содбаатар:  Цагаан нуурын боомтоор ирсэн хоёр орос жолоочоос коронавирус илэрлээ. ОХУ-тай дипломат шугамаар холбогдон хоёр жолоочийг нутаг руу нь буцаасан. Эрсдэл  өндөр байгаа учир хилийн боотуудыг хааж байна. халдвар хамгааллалтаа дор бүрнээ маш сайн хангах хэрэгтэй. Монгол Улс нефтийн бүтээгдэхүүний 30 хоногийн нөөцтэй байна. Алтанбулаг, Замын-Үүд, Шивээхүрэнгийн боомтод хөл хорионы бүс тогтоож,жолооч нарыг нааш нь оруулахгүй байх чиглэлээр ажиллаж байна. 

Т.Мөнхсайхан, Хил залгаа ОХУ-д халдварын тоо улам нэмэгдсээр байна. Баян-Өлгий аймгийн Цагаан нуурын боомт, Увс аймгийн Боршоогийн боомтоор нефтийн бүтээгдэхүүн, малын тэжээл тээвэрлэдэг. 64 жолоочоос хоёр хүнд коронавирусийн халдвар илэрсэн учир хилийн боомтуудыг түр хугацаанд хаах шийдвэр гаргалаа.