Улсын онцгой комиссоос 2020 оны 12 дугаар сард тусгай үүргийн гурван удаагийн нислэг хийх урьдчилсан шийдвэр гаргалаа. Өнгөрсөн арваннэгдүгээр сард цуцлагдсан нислэгүүдэд нэрс нь баталгаажсан иргэдийг энэ сарын нислэгт тэргүүн ээлжид хамруулах юм байна.  

Монгол Улсад 11-р сарын 11-нд дотоодын халдвар бүртгэгдэж, гамшгаас хамгаалах бүх нийтийн бэлэн байдлын хугацаанд тусгай үүргийн нислэгүүдийг түр хугацаанд зогсоогоод байсан билээ. Тусгаарлах байрны нөөцөд тулгуурлан энэ сард Франкфурт, Токио, Сөүл чиглэлд тусгай үүргийн нислэг үйлдэнэ хэмээн Монгол Улсын Шадар сайдын Ажлын албанаас мэдээллээ.