Баянгол дүүргийн 5,6-р хорооны тодорхой байршилд хязгаарлалтын дэглэм хэсэгчлэн тогтоож тандалт, илрүүлгийн шинжилгээг /2021.01.08-09/ зохион байгуулж байна. Явуулын 50 баг нийт 300 хүний бүрэлдэхүүнтэйгээр байр тус бүрээр очиж PCR шинжилгээг авах тул иргэн бүр шинжилгээндээ идэвхтэй хамрагдаж, иргэний үүргээ биелүүлэхийг уриалж буй юм. Дээрх хоёр хорооны иргэдээс тандалт илрүүлгийн шинжилгээг хоёр хоногийн хугацаанд авч, хязгаарлалтын дэглэмийг цуцлах юм.

Хязгаарлалтын дэглэм хэсэгчлэн тогтоосон энэ хугацаанд дараах үндэслэлийн дагуу иргэдийг гаргах аж.

1. Буяны ажил /нотлох баримт/

2. Эмнэлгийн хяналтанд байгаа иргэд /нотлох бичиг баримтад үндэслэн/

3. Тандалт, шинжилгээний багт ажиллах эмнэлгийн байгууллагын ажилтан, албан хаагч /ажлын үнэмлэх/

4. БГД-ийн 5, 6-р хороон ажилтнууд /ажлын үнэмлэх/

Дашрамд сонирхуулахад, Баянгол дүүргийн 10 хороололд байрлах “Номин”, “EFES” худалдааны төв, 37 хүнсний дэлгүүр хэвийн үйл ажиллагаа явуулж байгаа аж.