Өмнөговь аймгийн Онцгой байдлын газраас Эрүүл мэндийн газар, БОЭТ, Мэргэжлийн хяналтын газар, Цагдаагийн газартай хамтран “Ковид-19” халдварын эсрэг вакцин хийх үеийн үзүүлэх сургуулилтыг Ханхонгор суманд зохион байгууллаа.

Коронавирусийн эсрэг дархлаажуулалтын бэлэн байдлыг хангах салбар дундын төлөвлөгөөний хүрээнд зохион байгуулсан тус сургуулилтыг 15 сумын Эрүүл мэндийн байгууллагын ажилтан, алба хаагчидтай цахимаар холбогдон, сургуулийн үйл ажиллагаатай танилцуулсан юм.

Цаашид Даланзадгад сумын Эрүүл мэндийн төвүүд болон сумдад үзүүлэх сургуулилтыг зохион байгуулахаар төлөвлөж байна гэж Өмнөд бүсийн төв-Өмнөговь аймгийн Онцгой байдлын газраас мэдээллээ.