2021 оны аравдугаар сарын 27-нд Засгийн газрын ээлжит хуралдаан болж энэхүү асуудлыг шийдвэрлэсэн билээ. Тодруулбал, эрүүл мэндээ хамгаалж, эдийн засгаа сэргээх, энгийн амьдралд шилжихэд дархлаа сэргээх нэмэлт гуравдугаар тунд иргэдийн хамрагдах идэвхийг нэмэгдүүлэх нь чухал хэмээн Ерөнхий сайд Л.Оюун-Эрдэнэ хэлээд холбогдох хүмүүст чиглэл өгсөн.

Мөн зорилтод бүлгийн иргэдийн нэмэлт тунд хамрагдсан байдал 50 хувьд хүрвэл өндөржүүлсэн бэлэн байдлын зэргийг бууруулах нь зүйтэй хэмээгээд
арваннэгдүгээр сараас урлаг, соёл, спортын арга хэмжээг 50 хувийн дүүргэлттэйгээр зохион байгуулах, гадаад улс орнуудтай хийх нислэгээ нээж, тогтворжуулах арга хэмжээ авч ажиллахыг үүрэг болгосон юм.