Монголын Пастелын зураачдын холбооны тэргүүн, Соёлын тэргүүний ажилтан, зураач Лхагвагийн Оргилболд өөрийн 13 дахь бие даасан "BREATH OF GOBI" үзэсгэлэнгээ тохиолдуулан Та бүхэнтэй мэндчилж байна.Энэхүү үзэсгэлэнд тосон пастелиар (oil pastel) туурвисан 2026 оны шинэ бүтээлүүд дэлгэгдэж байна. Пастель нь өнгөний гүн чанар, өвөрмөц бүтцээрээ (текстур) дүрслэх урлагт онцгой үнэ цэнтэй бөгөөд зураач Л.Оргилболд энэхүү техникийг Монголын байгалийн дахин давтагдашгүй агшин, дөрвөн улирлын өнгө аяс болон хийсвэр (абстракт) сэтгэлгээтэй хослуулан чадварлаг илэрхийлснээрээ онцлогтой.