Нийслэлийн Цагдаагийн газарт өнгөрсөн сарын 29-нээс энэ сарын 13-н хүртэл иргэдээс нийт 14704 мэдээ мэдээлэл, зөрчлийн талаар өргөдөл гомдол иржээ. Сүүлийн өдрүүдэд бусдын эд хөрөнгийг дээрэмдэх гэмт хэргийн тоо нэмэгдэх хандлагатай байгаа аж. Энэ талаар Улаанбаатар хотын захирагч Э.Бат-Үүл “Бусдын эд хөрөнгийг дээрэмдэх үйлдэл нэмэгдэх боллоо. Энд зохион байгуулалтад орсон хэлбэр бүхий бүлэглэлийн  үйлдэл байна уу. Давтан үйлдэгдэх шинж байгаа юу” эсэхийг тус газрын дарга Д.Батжаргалаас тодрууллаа.
Үүний хариуд тэрээр “Цагдаагийн байгууллагыг бүрэлдэхүүний хувьд өргөтгөсөн. Ингэснээр урьд нь цагдаад бүртгэгдэж байгаагүй хүүхдийн гар утас дээрэмдэх зэрэг үйлдлийг жижиг гэж орхилгүй нэг бүрчлэн бүртгэлжүүлдэг болсноор өсөлттэй гарч байна гэж цагдаагийн байгууллага үздэг. Түүнээс биш зохион байгуулалттай дээрмийн болон давтан гэмт хэргийн тоо өсөөгүй гэж  гэв.