Нийслэлийн өнгө төрхийг тодорхойлогч нэг хүчин зүйл бол хотын гудамж талбайд байрлуулсан рекламны самбар юм.  2006 онд НИТХ Улаанбаатар хотын нутаг дэвсгэрт гадна реклам, мэдээллийн байгууламж байрлуулах талаар байгууллага аж ахуйн нэгж, иргэдийн дагаж мөрдөх журамыг батлажээ.  Харин Улаанбаатар хотын Захирагчийн ажлын алба Улаанбаатар хотын гадна реклам мэдээллийн байгууламжийн өнөөгийн нөхцөлд үнэлэлт дүгнэлт өгөн одоогийн мөрдөгдөж буй журманд өөрчлөлт оруулахаар ажиллаж байгаа юм байна.  Энэхүү шинэ журмаар Нийслэл Улаанбаатар хотод гадна рекламын байгууламж байрлуулахыг хориглосон гудамж, зам талбайн жагсаалтыг батлан орууллахын зэрэгцээ тухайн гудамжинд ямар загвар хэмжээтэй, хэдэн ширхэг рекламын байгууламж байрлуулж болохыг нарийвчлан тогтоож өгөх юм байна. Энэ журам мөрдөгдсөнөөр түүх соёлын дурсгалт газар, архитектурын өвөрмөц хийц бүхий барилга байгууламж, Сүхбаатарын талбайн урд цэцэрлэг зэрэг газруудад гадна рекламын байгууламж байрлуулахыг хориглох юм байна.