Завхан, Говь-Алтай, Баянхонгор аймагт тарвага ичээнээс гарчээ гэсэн мэдээллийн мөрөөр бид Байгалийн голомтот өвчин судлалын үндэсний төвд хандаж энэ талаар ямар нэгэн мэдээлэл, дуудлага ирсэн эсэх талаар тодруулсан юм. Тус төвийн дарга Д.Отгонбаатар “Дээрх аймгуудад манай салбар төвүүд байдаг. Ямар нэгэн ийм тохиолдолд бидэнд яаралтай мэдэгдэх ёстой. Өнөө хүртэл энэ аймгууд дахь салбар төвөөс ямар ч дуудлага мэдээлэл ирээгүй. Ер нь, энэ жил улсын хэмжээнд тарваган тахал гараагүй” гэсэн хариу өглөө.