2012 онд улсын хэмжээнд нийт 3501 удаагийн гал түймэр гарч, 10,0 тэрбум төгрөгийн хохирол учирч, гал түймэрт 75 хүн өртөн нас барж, 40 хүн түлэгдэж гэмтсэн байна.

Гал түймрийн аюулаас 303 хүний амь бие, 109 толгой мал, төр, байгууллага, аж ахуйн нэгж, иргэдийн 25,0 тэрбум төгрөгийн өмч хөрөнгө, 746 байшин барилгыг авран хамгааллаа.

Объектод гарсан гал түймрийг өнгөрсөн оны мөн үетэй харьцуулахад гал түймрийн тоо 14.3  хувиар, гал түймрийн улмаас учирсан хохирлын хэмжээ 2,4 дахин өссөн байна.
Хүйтний эрч чангарч буйтай холбогдуулан халаалт, пийшин зуухны буруу галлагаанаас шалтгаалан обьектын гал түймрийн гаралт ихсэх хандлагатай байна.
Мөн иргэд хүйтний улиралд автомашинаа гадаа тавьж хонон өглөө бамбардах буюу хүч ихтэй акумлятораар асаасанаас автомашинд гал гарах тохиолдол ихэсч байна.
Иймд ард иргэд авто машинаа ил галаар бамбардах, хүч ихтэй акумлятар хэрэглэж  асаах нь автомашины холболтын утас хайлах, уярах, богино холболт үүсэх, гэрлийн утас маслах, хуванцар эдлэлүүд хайлах, тос масло асгарах зэрэг гэмтлүүд үүсдэг тул машин техник, өмч хөрөнгөө, гал түймрийн аюулаас хамгаалахыг Онцгой байдлын албанаас сэрэмжлүүлж байна.