Зах зээлд шударга өрсөлдөөн бий болгоно хэмээн зоримог алхмуудыг хийж буй О.Магнай дарга тун ч шударга нэгэн бололтой. Ямарсайндаа, шинэхэн ажлаа хүлээж авчихаад хамгийн түрүүнд өөрийнхөө мөнгөөр тухлах сандлаа худалдан авч тавьсан гэнэ. Магадгүй, өөрөө төсвийн мөнгөөр сандал, ширээ, тавилгаа авсан бол өдгөө хэл амны бай болох байсан биз. Тэгээд ч амьдралынхаа ихэнх цаг хугацааг ажил дээрээ өнгөрүүлдэг хүмүүсийн хувьд сандал хамгийн чухал хэрэглэгдэхүүн. Ямартай ч, шударга ёсыг өөрөөсөө эхлүүлж буй О.Магнай даргын өрөөнд худалдан авчирсан сандлаас нь бусад өмнөх даргынх нь хэрэглэж байсан офисс тавилгууд гэнэ лээ.