Ахмадууд болон хөгжлийн бэрхшээлтэй иргэдэд Хүний хөгжил сангаас олгох нэг сая төгрөгийн үлдэгдэл болох 340 мянгыг ойрын хугацаанд олгож эхлэх нь. Хүн амын хөгжил, нийгмийн хамгааллын сайд С.Эрдэнийн мэдэгдсэнээр энэ сарын 24-нөөс эхлэн олгоно гэж байсан. Харин Сангийн яамнаас нийслэлийн болон орон нутгийн нийгмийн халамж, үйлчилгээний газрууд руу дээрх мөнгөний санхүүжилтийг шилжүүлж эхэлжсэн байна. Шилжүүлсэн мөнгө арилжааны банкуудад байршвал олгож эхлэх аж. Тэгэхээр ахмадууд болон хөгжлийн бэрхшээлтэй иргэдийн дунд хүлээлт үүсгээд байгаа 340 мянган төгрөг ойрын өдрүүдэд олгогдож дуусах нь. Засгийн газрын1,5 тэрбум ам.долларын мөнгөөс үүнийг санхүүжүүлнэ гэж Ерөнхий сайд хэлж байсан. Хэлсэн ёсоороо ийн эх үүсвэрийг нь шийджээ.