Хилийн 0257 дугаар ангийн дугаар заставын хариуцсан хэсэгт арванхоёрдугаар сарын 20-ны өдөр хилийн зурваст иргэд үйл ажиллагаа явуулж байна гэсэн мэдээллийн ирсний дагуу шалгалт явуулжээ. Уг газарт Хөвсгөл аймгийн  иргэн Ч.Түмэнбаяр, Д.Баярмагнай, Ж.Отгонбаатар, Ц.Отгонбаатар нар ГАЗ 66 автомашинтайгаар хилийн зурваст зөвшөөрөлгүй нэвтэрч хаш чулуу олборлож байсныг илрүүлсэн байна. Хилийн бүст хууль бусаар нэвтэрсэн иргэдэд Захиргааны хариуцлагын тухай хуулийн дагуу шийтгэвэр ноогдуулж Ханх сумын Байгаль орчны улсын байцаагчид шилжүүлэн өгсөн байна.