Улсын Дээд шүүх П.Даш, Л.Алтангэрэл нарт холбогдох хэргийг өчигдөр хэлэлцээд, тэдэнд оноосон ялыг хэвээр үлдээх шийдвэр гаргалаа.
П.Даш ОБЕГ-ын даргаар ажиллаж байхдаа тус газрын Улсын нөөцийн бүрдүүлэлтийн газрын дарга Л.Алтангэрэлтэй хамтран албан тушаалаа урвуулан ашиглаж, байгууллагад онц их хэмжээний хохирол учруулсан хэрэгт холбогдсон юм. Тиймээс Чингэлтэй дүүргийн шүүх тэдэнд холбогдох хэргийг хэлэлцээд, П.Даш, Л.Алтангэрэл нарт тус бүрт нь чанга дэглэмтэй хорих ангид гурван жил зургаан сар хорих ял оноосон байгаа. Тэд эл шийдвэрийг хүлээн зөвшөөрөхгүй давж заалдсан боловч Нийслэлийн шүүх ялыг нь хэвээр үлдээсэн билээ. Тиймээс тэдний өмгөөлөгчид хяналтын шатны шүүхэд хандсанаар хэргийг хэлэлцээд шийтгэх тогтоол болон магадлалд өөрчлөлт оруулсангүй.