Шинэ жилийн баярын үеэр нийт нутгаар хүйтний эрч чангарч, олон аймгийн  нутгаар цас орж шуурга шуурах мэдээ байгаа учраас хуучин оноо үдэж, шинэ оноо угтахдаа архи согтууруулах ундаа хэтрүүлэн хэрэглэж гудамж талбайд унан хөлдөх, бэртэж гэмтэхээс сэргийлэхийг ОБЕГ ард иргэдэд анхааруулж байна. Мөн  зах, худалдааны газруудаас авсан баталгаагүй салют, гэрлэн буудлагаар өөрсдөө болон хүүхэд багачуудаа тоглуулж тэсэрч дэлбэрэх, гал алдахаас сэрэмжлэхийг анхааруулжээ. Өмнөх жилүүдэд баярын үеэр гудамжинд хөлдөж, бэртэх, салют буудуулж байгаад гал түймэр алдсан, түлэгдсэн тохиолдол олон гарч байснаас үүдэж ийн сэрэмжлүүлсэн байна.