Уул уурхайн салбар үүсч хөгжсөний 90 жилийн ойн баярыг тэмдэглэх үеэр    Бороо Гоулд ХХК-ийг “Хөдөлмөрийн аюулгүй ажиллагааг эрхэмлэгч” байгууллагаар шалгарууллаа.
Бороогийн ажилчидад өнөөдрийн байдлаар хөдөлмөрийн чадвар түр алдалтгүй 870 орчим хоног буюу 2 сая гаруй хүн цаг ажиллаж чадсан байна.
 
Үйлдвэрлэлээс илүүтэй ажилчидийнхаа эрүүл мэндийг чухалчилан ажилладаг Бороо Гоулд ХХК-ийн ажилчид осол гэмтэлгүй 4 сая хүн цаг ажиллаж Монголын уул уурхайн салбарын түүхэнд томоохон амжилт тогтоож байлаа. Зөв бодлого, хариуцлагтай үйл ажиллагааны үр дүнд бий болсон энэхүү үзүүлэлт нь олон жилийн туршлагатай барууны уурхайнуудад ховор тохиолддог амжилт юм. Харин аюулгүй ажиллагааг өөрийн нэрийн хуудас болгож, улмаар арга туршлагаасаа бусад уурхайнуудтай хуваалцдаг заншлийг Бороогийнхон эхлүүлсэн гэдэг.

“2 сая хүн цаг ажиллана гэдэг нь Бороогийн хувьд бараг 2 жилийн турш ямар нэгэн гэмтэл, осолгүй ажилласан гэсэн үг юм. Өөрөөр хэлбэл ажлын байран дээр гэмтэж бэртээд эмнэлэгийн тусламж авч эмчилгээ хийлгээд ажлаасаа чөлөөлөгдөөгүй байна гэсэн үг” гэж Бороо Гоулд ХХК-ний тогтвортой хөгжил хариуцсан захирал Л.Жаргалсайхан тайлбарлалаа.    

Аюул осолгүй ажилласан хором бүрийг хамгийн ихээр үнэлдэг салбаруудын нэг бол уул уурхай. Яагад гэвэл хором бүрийн цаана олон хүмүүсийн  хүчин чармайлт, хамтын ажиллагаа байдаг бөгөөд эцсийн үр дүн нь эрүүл хүн юм хэмээн Бороогийнхон ярьдаг.

“Энэхүү амжилтийн нууц нь Бороогийн ажилчид өөрсдөө юм. Өдөр тутмынхаа ажилдаа анхаарал болгоомжтой хандаж, аюул ослыг урьдчилан тодорхойлж тооцоолж чаддаг хамт олон” хэмээн тус компаний захирал Жон Казакофф хэлж байна.