Баруун чиглэлийн улсын чанартай автозамын дагуу цасаар шуурч, тээврийн хэрэгслийн хөдөлгөөнд ноцтой саад учруулахуйц нөхцөл үүссэнээс Зам тээврийн яам, Автозамын хяналт, эрдэм шинжилгээ судалгааны төв, Онцгой байдлын ерөнхий газрын даргын шийдвэрээр баруун чиглэлд зорчих тээврийн хэрэгслийн хөдөлгөөнийг 12 дугаар сарын 31-нээс тодорхойгүй хугацаагаар хаагаад байсан. Тухайлбал, Баян-Өлгий, Өвөрхангай, Говь-Алтай аймгийн орох гарах хөдөлгөөнийг хязгаарлаад байсан юм. Тэгвэл улсын болон орон нутгийн чанартай даваа, замыг нээж хэвийн ажиллагаанд оруулж нэгдүгээр сарын 01-нээс хэвийн байдалд оруулжээ.