ЦЕГ-ын даргын тушаалаар цагдаа, дотоодын цэргийн алба хаагчид шинэ жилийн баярын өдрүүдэд албаны бэлэн байдалд шилжин ажиллажээ. Мөн баярын өдрүүдэд нийслэл, орон нутгийн цагдаагийн газар, хэлтсийн жижүүрийн бүрэлдэхүүнийг нэмэгдүүлэн гудамж талбайд цагдаагийн эргүүлийг уртасгасан цагаар ажиллуулж, дотоодын цэргийн бие бүрэлдэхүүнийг нэмэгдэл хүчээр ажиллуулсан байна.   Нийслэл хотод баярын өдрүүдэд архидан согтуурч хүний амь насыг санаатайгаар хохироосон гэмт хэрэг гурван хэрэг гарчээ. Түүнчлэн танхайрах 32, дээрмийн найм, хулгайн 47 гэмт хэргийг цагдаагийн байгууллага бүртгэсэн байна.
Баярын өдрүүдэд эрүүлжүүлэх байраар 693  хүн үйлчлүүлснээс 23 нь эмэгтэй хүн байсан гэнэ.