Өвөлжилтийн байдалтай танилцах ажлын хэсэг зургаа дахь аймаг буюу Увс аймагт ажиллаж байгаа аж. Тэд өнгөрсөн сарын 24-өөс энэ сарын 10-ны хооронд өвөлжилт хүндэрч байгаа аймгуудаар орж нөхцөл байдалтай нь танилцаж, энэ сарын 12-нд Засгийн газрын хуралдаанд ажлаа тайлагнах юм байна. Зарим аймагт Засаг дарга нь сонгогдоогүй байгаа учир ОБЕГ-аас өгсөн албан даалгаврыг бүрэн биелүүлээгүй байсан гэдгийг ОБЕГ-ын дарга Дуламдорж хэллээ. Түүний өгсөн мэдээллээр энэ сард цасны зузаан нэмэгдэх хандлагатай байгаа гэнэ. Тэрчлэн энэ сарын сүүлийн хагаст хүйтний эрч чангарна гэдгийг аймгийн удирдлагуудад анхааруулсан юм.