Худалдаа, наймаа эрхлэгчдээр дамжин урд хөршөөс хуурамч юань их хэмжээгээр орж ирэх болсныг цагдаагийнхан иргэдэд анхааруулж байна. Бараа, бүтээгдэхүүн татахаар урд хөршийг зориод тэндээ юань солиулсан таван хүн одоогоор хохирогч болоод буй гэнэ. Тэд “Найман шарга” валют арилжааны төвд юанаа солиулах гээд хуурамч болохыг мэдсэн байна. Тиймээс валютаар ялангуяа, юанаар гүйлгээ хийхдээ серийн дугаар, нууцлалтай эсэхийг нь шалгаж байхыг цагдаагийнхан иргэдэд зөвлөж байна.