Эрүүл мэндийн сайдын тушаалаар өчигдөр харьяа үндэсний хэмжээнд эрүүл мэндийн үйлчилгээ, тусламж үзүүлдэг төвүүд, төв эмнэлгүүдийн дарга, захиралуудыг албан тушаалаас нь чөлөөлж, үүрэг гүйцэтгэгчдийг томиллоо. Эдгээр ажлын байран дээр сонгон шалгаруулалт зарлаж 10 хоногийн дотор шалгаруулалт явуулахаар болжээ. Сонгон шалгаруулалтад тавигдах шаардлагыг олон нийтийн хэвлэл мэдээллийн хэрэгслээр ил тод зарлаж, мэдлэг чадвар, туршлага, нэр хүндтэй, сонирхлын зөрчлөөс ангид удирдах ажилтнуудаар салбарын багыг бүрдүүлэхээр зорьж байгаа юм байна. Харин сонгон шалгаруулалтын эцсийн шийд гартал тухайн байгууллага дээр эмнэлэгт үйлчилгээнд  доголдол гаргахгүй байх үүргийг үүрэг гүйцэтгэгч нарт даалгасан байна. Мөн ЭМЯ-ны зарим ажилтнуудыг халж оронд нь сонгон шалгаруулалт явуулж даруй орон тоог нөхөж ажиллахыг Эрүүл мэндийн яамны Төрийн нарийн бичгийн даргад даалгажээ.