Монголбанкнаас Барилга, хот байгуулалтын яамтай хамтран Барилгын салбарыг дэмжих, улмаар орон сууцны үнийг тогтворжуулах дэд хөтөлбөр хэрэгжүүлэх гэж байна. Энэ хүрээнд холбогдох албаны хүмүүс өчигдөр санамж бичигт гарын үсэг зуржээ. Ингэснээр энэ салбар дахь бизнес эрхлэгчдийг дэмжиж, эргэлтийн хөрөнгийг нь шийдэх замаар орон сууцны үнийг тогтворжуулах зорилготой гэнэ. Төв банкнаас өнгөрсөн хугацаанд шатахууны, өргөн хэрэглээний импортын болон хүнсний барааны үнийг тогтворжуулах дэд хөтөлбөр хэрэгжүүлээд буй билээ.