Налайх дүүрэг дэх ХААН банкинд зэвсэглэн халдаж, нэг хүний аминд хүрсэн хэргээр анхан шатны шүүхээс цаазаар авах ял сонссон А.Бат-Ялалтын давж заалдах гомдлыг Нийслэлийн шүүх өнөөдөр хэлэлцэхээр товложээ.

Тэрээр зэвсэглэн банк руу нэвтэрч захирал Н.Туяад буу тулган сүрдүүлэн мөнгө нэхэж, түүний нөхрийг нь буудаж, банкинд үйлчлүүлж байсан нэг иргэнийг гэмтээсэн хэрэгт холбогдсон юм. Түүний өмгөөлөгчөөр Б.Болортуяа, Ч.Эрдэнэ-Очир, М.Хувцагаан нар оролцоно.

Анхан шатны шүүх А.Бат-Ялалтад санаатайгаар хүний амь хөнөөсөн, зэвсэглэсэн гэх мэт найман зүйл заалтын дагуу дээрх ялыг оноожээ. Гэвч тэрээр шүүхээс оноосон цаазаар авах ялыг хүлээн зөвшөөрөхгүй давж заалдсан байна.