“Анод” банкийг дампууруулж, хуурамч хувьцаа гарган 1200 хүнийг хохирогч болгосон хэргийг Баянзүрх дүүргийн шүүх бүтэн гурван өдөр хэлэлцээд өчигдөр орой 23:00 цагийн үед шийдвэрээ гаргасан байна.
Энэ хэрэгт 15 хүнийг яллагдагчаар татсан байсан бол шүүх бүрэлдэхүүн зөвлөлдөөд зургаад нь хорих ял оноожээ. Тухайлбал, “Анод” банкны гүйцэтгэх захирал Д.Энхтөр, ТУЗ-ийн дарга Э.Гүр-Аранз нарт найман жил хорих ял оноосон бол ТУЗ-ийн гишүүн Н.Даваа, Тамгын хэлтсийн дарга Л.Уламбаяр нарыг зургаан жил хорих ялаар шийтгэсэн байна. Тэдний ялыг чанга дэглэмтэй хорих ангид эдлүүлэхээр шийдвэрлэсэн гэнэ.
Харин энэ хэрэгт холбогдсон Монголбанкны тэргүүн дэд ерөнхийлөгч асан Б.Энххуягийн хэргийг хэрэгсэхгүй болгожээ.